Лавеци пред транфер во Интер?!

Аргентинскиот интернационалец во редовите на ПСЖ, Езекиел Лавеци би можел во последните денови од летниот преоден рок да ги смени клупските бои и да се врати во Италија од каде дојде во ПСЖ.
Тој во минатото го носеше дресот на Наполи, од каде замина во редовите на ПСЖ, а неговиот агент од синоќа е во Милано, каде ќе преговара со челниците на Интер околу евентуалниот трансфер на Лавеци меѓу „нероаѕурите“.

По доаѓањето на Анхел Ди Марија во ПСЖ, јасно е дека Лавеци нема да има доволна минутажа, па затоа размислува за враќање во Серија А, каде за него сериозно се интересира Интер. Тренерот Роберто Манчини одамна има желба да го види Лавеци на „Џузепе Меаца“ и сега коцките од мозаикот најверојатно се склопија. Интер води преговори и со Хрватот Иван Перишиќ од Волфсбург и во наредните неколку дена ќе се одлучи кое засилување ќе пристигне во Милано.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.