Крајно десничарски демонстранти две вечери по ред викендов се судриле со полицијата поради отворање на прифатни центри за бегалци, само неколку часа откако едно друго прифатилиште е уништено во мистериозен пожар.
Околу 200 милитантни демонстранти, претежно во алкохолизирана состојба во Хајден фрлале пиротехника и шишиња кон полицијата. Некои од нив извикувале „Хаил Хитлер“.
Пијаните неонацисти во нападот повредиле дури 30 полицајци, а поради инцитентот реагирала и германската канцеларка која го посетила местото на судирот и го осудила суровиот начин на демонстрирање против барателите на азил.
– Германската канцеларка Ангела Меркел во понеделникот го осуди насилството на крајната десница во текот на викендот во Саск, на истокот на земјата и не сака да толерира бегалците во Германија да бидат пречекувани од „пијани галамџии“, изјавил нејзиниот портпарол.
– Канцеларката и целата влада најодлучно ги осудуваат насилните нереди и ксенофобијата од минатиот викенд, изјави Стефан Сеиберт на редовната пресконференција.
– Начинот на кој десничарските екстремисти и неонацисти настојуваат да ја рашират својата порака е полна со омраза и е за секоја осуда. Тие кои постапуваат како агресори во Хаиден го кршат законот, истакна тој.
Портпаролот исто така нагласил дека Германија е земја која „сочувствува“ и дека нема да дозволи бегалците да бидат „пречекувани со слогани полни со омраза“.
Вакви судири и напади на центрите за мигранти се се почести во последните месеци, но Меркел на тоа до сега не реагирала.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
