Ѕвездите од „Беверли Хилс 90210“ по 25 години

25 години после светскиот успех на серијата со која се прославија, актерите од „Беверли Хилс“ живеат сосема поразличен живот во однос на оној кој навикнале да го водат кога беа на врвот на популарноста.

Неодамна, тажна вест ги погоди фановите на актерката Шенон Доерти која тогаш ја гледавме во улогата на Бренда Волш. Дијагностициран и` е рак на дојката, а неодамна започнала и судска парница со која го тужи поранешниот менаџер.

Како што пренесуваат светските медиуми, го обвинува за негрижа и неплаќање на здравственото осигурување поради кое, како што тврди актерката, не можела на време да појде на медицински преглед.

Истиот ден кога Шенон ја објави тужбата против поранешниот менаџер, нејзиниот некогашен колега Брајан Остин Грин, кој го глумеше Дејвид, објави дека се разведува од актерката Меган Фокс, со која беше единаесет години.

Останатите членови од серијата се посветиле на родителството и семејството, па така,Тори Спелинг која ја глумеше Дона, е мајка на четири деца.

Меѓутоа, актерката има брачни проблеми со сопругот Дин Мекдермот за кои светските медиуми пишуваа со месеци, а беа и пред развод. До развод не дошло затоа што Тори немала пари за засекогаш да се раздели од сопругот кој има проблеми со зависност и кој ја изневерувал.

Турбулентно живее и Кели, односно Џени Гарт. Поранешната членка од серијата има три ќерки, а неодамна и повторно се омажи, и тоа за десет години помладиот вереник Дејвид Абрамс.

Ружи не му цветаа ниту на убавецот Брендон, односно Џејсон Присли, кој во 2002 година имал тешка сообраќајна несреќа за време на автомобилска трка, од која едвај закрепнал.

Канадско-американскиот актер после „Беверли Хилс“ се обиде да ја одржи славата која ја стекна во оваа серија, но безуспешно. Сега е оженет и има три деца.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.