Лацио ја стартуваше новата сезона во Серија А со победа над Болоња (видео)

Екипата на Лацио со победа од 2-1 над Болоња ја стартуваше новата сезона во Серија А лигата. „Лацијалите“ на “Олимпико“ победата ја осигураа уште во првото полувреме кога поведоа со 2-0 со головите на Билја во 17 и Кишна шест минути подоцна. Единствениот гол за гостите од Болоња беше дело на Манкосу на две минути пред крајот на првиот дел. Овој гол знаечеше надеж за гостите кои се понадеваа дека можат да дојдат до поволен резултат во првото коло на гостувањето во Рим. Сепак до крајот на натпреварот Болоња не создаде ниту една изгледна шанса за гол, освен во финишот кога голманот на Лацио, Бериша беше на висина на задачата и ги острани сите закани.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.