Турскиот претседател Реџеп Таип Ердоган повика денеска за свикување на нови парламентарни избори на 1 ноември по неуспехот на преговорите за формирање на владејачка коалиција по изборите на 7 јуни.
– Доколу е божја волја Турција ќе гласа повторно на нови парламентарни избори на 1 ноември – истакна Ердоган пред новинарите при излегувањето од џамија во Истанбул.
Тој нагласи дека ќе се сретне со претседателот на Парламентот в понеделник за да ги преземе потребните чекори.
Ердоган ќе побара од премиерот Ахмет Давутоглу на почетокот на следната недела да формира преодна Влада, во која функциите ќе бидат распределени меѓу парламентарно претставените партии, изјавија високи турски функционери, јави БТА.
Рокот за преговорите за составување владина коалиција истекува на 23 август.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
