Хрватскиот интернационалец и играч од средината на теренот на Интер, Матео Ковачиќ е пред промоција во Реал Мадрид.
Оваа информација ја пренесоа утринава скоро сите италијански медиуми и предвидуваат дека во следните неколку дена Хрватот ќе стави потпис на договорот со „кралскиот клуб“.
Реал Мадрид на име на отштета на клубот од Милано треба да му плати од 30 до 35 милиони евра, а се спомнува дека како дел од пакетот во спротивна насока ќе замина Фабиот Коентрао.
Интер вечерва игра пријателски натпревар со АЕК, а тамошните медиуми пишуваат дека Манчини од составот за натпреварот го повлекол Ковачиќ, што би можело да биде уште една потврда за неговата преселба во Реал Мадрид. Доколку биде реализиран овој се поизвесен трансфер, Ковачиќ ќе биде вториот Хрват во клубот по Лука Модриќ, со што „кралевите” ќе добијат одличен „коцкест” двоец на средината од теренот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
