Во експлозијата во Тјенцин, Кина повредени најмалку 300 лица (видео)

Најмалку 300 лица се повредени вечерва во експлозијата во пристаништето во североисточниот кинески град Тјенцин, пренесоа локалните медиими.

Потресот од експлозијата се почуствувал на далечина од неколку километри.

Централната кинеска телевизија извести дека експлозијата се случила во терминалот за бродски товар, доцна вечерва по локално време, и дека се повредени непознат број луѓе. Веста ја пренесе и јужнокинескиот „Морнинг пост“ на својот сајт.

Како што пренесуваат светските агенции, околните населби во овој трет по големина кинески град останале без струја.

Агенцијата Ксинхуа цитира еден од жителите на градот кој изјави дека заради експлозијата искрешни биле стаклата на прозорците од околните станбени згради.

Тјенцин е главното пристаниште и индустриско подрачје југоисточно од Пекинг.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.