Во Сирија војуваат повеќе од 100 граѓани на Косово

Косовскиот министер за внатрешни работи, Скендер Хисени, денеска изјави дека, според податоците на Министерството, моментно на страната на терористичките организации во Сирија војуваат повеќе од 100 граѓани на Косово, додека 40 се загинати.

Тој сепак нагласи дека засега на Косово не му се заканува опасност од верски екстремизам.
– Злосторствата, како што се тероризмот, трговијата со луѓе и шверц на дрога се феномени со кои е многу тешко да се борите без меѓународна соработка, а најдобар начин е целосно зачленување на Косово во меѓународните организции. Затоа аплициравме за членство во Интерпол и тоа барање е ставено на разгледување – истакна Хисени.
Косовскиот министер додаде дека полицијата вложила големи напори за спречување на криминалот во земјата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.