Фудбалерите на Малме си имаат победнички рецепт за австрискиот шампион Салцбург и во реприза од лани повторно беа подобри во квалификациско коло за настап во Лигата на шампионите.
Со експресни 3 гола во првото полувреме, играчите на шведскиот првак ја анулираа негативата од 0-2 од првиот меч против Салцбург, а во продолжението од реваншот умешно ја чуваа позитивата од 3-0. Салцбург победи на првиот меч со 2-0, а слично сценарио имаше и лани. И тогаш Малме славеше со 3-0, а Салцбург на свој терен победи со 2-1 и испадна.
Вистински трилер меч со хепиенд за Партизан се играше во Белград. Романскиот првал Стеауа не успеа да допатува со предност, во Букурешт беше 1-1, а во реваншот беше блиску до подвиг. Партизан поведе со 1-0, па Стеуа со два гола направи голема предност од 2-1, но домаќините одиграа феноменален меч и го исфрлија од игра некогашнуиот европски првак од Романија. Најпрво Божинов утна пенал, а грешката му ја корегираа Јевтовиќ, Живковиќ и Трујиќ со по еден погодок и победа од 4-2 за Партизан вредна презимување во Европа. Сите екипи што вчера и завчера го минаа третото квалификациско коло имаат гарантиран настап во Европа Лигата на УЕФА, а имаат и шанса за настап во Лигата на шампионите, ако минат уште една рунда, или популарниот плејоф.
Рута на шампиони: АПОЕЛ, Астана, БАТЕ Борисов, Селтик, Динамо Загреб, Базел, Партизан, Малме, Макаби, Скендербег.
Лига рута: Валенсија, Манчестер јунајтед, Баер Леверкузен, Лацио, Спортинг Лисабон, Шахтар, ЦСКА Москва, Бриж, Рапид Виена, Монако.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
