Голема акција на МВР за апсење припадници на ИСИС

Македонската полицијата во моментов спроведува голема антитерористичка акција на повеќе локации во Македонија против припадници на ИСИС во земјава.

Според првичните информации, акцијата е насочена и против лица што учествувале во врбување македонски државјани за учество во паравоени формации. Полицијата врши претреси и апсења во повеќе градови. Во Скопје, Струга и во Куманово се уапсени неколку лица, но во тек се и претреси во објекти во Гостивар и на други локации.

Полицијата влегла и во придружни објекти на џамија во Скопје, која веќе подолго време не е под контрола на Исламската верска заедница.

Од МВР ја потврдуваат акцијата, но повеќе детали најавуваат во текот на денешниот ден, по завршувањето на големата акција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.