Основачот на „Фејсбук“ со исповед: Сопругата трипати имаше спонтан абортус

Основачот на „Фејсбук“, Марк Цукерберг на оваа социјална мрежа објави дека наскоро ќе стане татко, но исто така откри дека тој и неговата партнерка, долго време се обидувале да добијат дете.

Во неговиот подолг статус, тој се исповеда за проблемите што ги имале со сопругата, и искуствата со спонтаниот абортус:

-Ова ќе биде ново поглавје во нашиот живот. Ќе се концентрираме да создадеме подобар свет за нашето дете и за следните генерации. Веќе неколку години безуспешно се обидувавме да добиеме дете, но трипати го загубивме. Кога човек ќе дознае дека ќе добие дете, првата емоција која го обзема е надежта и почнува да фантазира за иднината на детето и да замислува со што ќе се занимава. Почнуваш да правиш планови, кои во следниот момент исчезнуваат.Тоа искуство е тешко, многу луѓе не зборуваат бидејќи се плашат дека нивните проблеми ќе ги дистанцираат од другите луѓе и лошо ќе се одразат врз нив. Поради тоа, се борат сами. Во денешниот отворен свет во кој се користи интернет, разговорот за овие теми нема да не оддалечи, туку напротив. Ќе не зближи. Ќе создадеме разбирање, толернација, но и надеж. Кога искуството го споделивме со пријателите, тогаш сфативме колку спонтаниот абортус е честа појава. Многу наши пријатели го имале истиот проблем, а сега имаат здрави и напредни деца. Се надеваме дека нашата приказна ќе им влее надеж на луѓето и другите ќе ги инспирира во својата приказна – напиша Цукерберг.