Антиеврејски плакати во Белград

Во центарот на Белград залепени се антисемитски плакати со кои Евреите се посочуваат како одговорни за бомбардирањето на Србија во 1999 година. Нацртан е авион бомбардер со Давидовата ѕвезда и слики на срушени згради на Генералштабот и мостот на Дунав во Нови Сад, со натпис “14 години од НАТО бомбардирањето, нивниот терор сеуште трае”. На плакатите стои и седиштето на екстремно десничарска партија, пренесува Нова Македонија.

Градоначалникот на Белград, Драган Џилас апелираше на сите белграѓани да ја почитуваат вредноста на демократското општество во кое живееме, и додаде дека треба да се одржи духот на толеранција и почитување, по што Белград бил познат.

-Белград и цела Србија се горди на својата антифашистичка борба и слободарско минато, на кои ваквите нецивилизирани постапки им фрлаат дамки- истакна Џилас, кој најави расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.