Австралискиот тенисер Бернард Томиќ, кој моментално се наоѓа на 25. место на АТП листата, е уапсен откако одбивал да ја намали прегласната музика во својот апартман во хотел во Мајами.
Според припадниците на хотелското обезбедување, 22-годишниот Томиќ се однесувал агресивно, по што интервенирала полицијата и побарала од тенисерот и неговите пријатели да го напуштат апартманот.
Пријателите на Томиќ го напуштиле хотелот, но тој одбил и поради тоа бил уапсен.
Контроверзниот тенисер е познат по проблематичното однесување, а во текот на својата кариера имаше судири и со својот татко и раководството на Тенискиот сојуз на Австралија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
