Каталонија нема да се отцепи од Шпанија, изјави денеска шпанскиот премиер Маријано Рахој, пред изборите што во септември ќе бидат одржани во североисточниот регион, а кои каталонските лидери го гледаат како показател за расположението на граѓаните кон независноста.
– Нема да има независност на Каталонија, рече Рахој на пресконференцијата со полската премиерка Ева Копач.
Владата во Мадрид остро во минатото се протвеше на обидите на каталонските лидери да одржат референдум за независност.
Иако сепаратистичкото движење покажува знаци на слабеење во изминатите месеци, според анкетите на јавното мислење, некои од партиите во Каталонија, кои се залагаат за сецесија, се подготвуваат за избори, кои на таа идеја би можеле да и дадат нов поттик.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
