Германија размислува за олеснување на финансискиот товар на Грција

Германското Министерство за финансии денеска објави дека постои техничка можност за продолжување на рокот за доспевање на рокот на наплата на грчките обврзници, со што на земјата ќе и се олесни финансискиот товар, јави дописникот на МИА од Берлин.Портпаролот на Министерство сепак предупредува дека тоа е опција која што е можна само доколку значително не ја намали вредноста на грчкиот долг, што би значело кратење на вкупната сума на поинаков начин.

– Технички постои можност за оваа опција, изјави портпаролот Мартин Јегер, прашан дали може да се очекува продолжување на доспевањето на грчкиот долг за 30 или повеќе години.

Германија и покрај анализите на ММФ дека Грција не може да се справи со долгот кој догодина би можел да достигне вредност од 200 отсто од бруто домашниот производ, инсистира дека не смее да се дозволи намалување на долгот со административна одлука на кредиторите, туку со штедење и раст на економијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.