„Курир“: Вербален инцидент во Ѓорче Петров

Вербален инцидент од помали размери се случил вечерва во скопската населба Ѓорче Петров, јавува порталот „Курир“, меѓу приврзаниците на Александар Наумовски, кандидатот за градоначалник од редовите на СДСМ, кои почнале да ги напаѓаат и навредуваат кандидатите на ВМРО-ДПМНЕ, Коце Трајановски и Сокол Митревски.

Вербалниот инцидент се случил откако на местото каде што Трајановски и Митровски имале средба со граѓаните, дошол кандидатот за градоначалник на Ѓорче Петров од СДСМ, Александар Наумовски, со свои поддржувачи, кои го предизвикале вербалниот инцидент.

Очевидци од настанот за „Курир“ велат дека, најверојатно, некои од лицата кои го придружувале Наумовски биле и во алкохолизирана состојба. Приврзаниците на Наумовски почнале вербално да ги напаѓаат и навредуваат кандидатите на ВМРО-ДПМНЕ.

Посериозен инцидент, за среќа, бил избегнат благодарение на присебноста на Трајановски и Митровски, кои успеале да ги смират своите приврзаници и да ги игнорираат провокациите.

Ѓорче Петров во вториот круг на 7 април ќе избере градоначалник откако во првиот имаше тесна трка меѓу Митровски и Наумовски, која ја доби кандидатот за градоначалник од ВМРО-ДПМНЕ.

Митровски доби 11.316 гласа или 46,78 проценти, додека Наумовски 10.720 гласа, односно 44,31 проценти од вкупниот број гласови.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.