Серена Вилијамс е шампионка на Вимблдон по шести пат, откако попладнево со 6-4, 6-4 ја победи Гарбине Мугуруза во финалниот меч.
Вилијамс направи клучен брејк при резултат 5-4 во првиот сет, поведе со 1-0 и потоа експресно стаса до 5-1 во гемови. Мугуруза која за првпат играше гранслем финале, сепак покажа дека заслужено е на Централниот терен во Њу Ингланд клубот во меч за титулата и со серија од 3-0 намали на 4-5, а патем имаше и сервис за израмнување.
Сепак Американката се созеде и без загубен поен ја освои последната игра на ова зидание на Вимблдон во женска конкуренција и ја збогати колекцијата на 21 гранслем трофеј.
Серена по вторпат во кариерата има низа од сите 4 гранслемови, а ако победи и на САД опен во септември ќе ги има сите трофеи од четирите најценети тениски турнири во иста година.
Утре е машкото финале меѓу Новак Ѓоковиќ и Роџер Федерер.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
