Шкендија биеше машка битка, но испадна по двомечот со Абердин

Шкендија биеше мапка битка во двомечот со фаворизираниот шкотски премиерлигаш Абердин, но сепак испадна во првото квалификациско коло за пласман во Европа Лигата и тоа на гол-разлика. Двата меча и во Скопје и во Абердин завршија нерешено, а клучен беше погодокот на Мекгин во нашиот главен град. Во Скопје беше 1-1, во Абердин 0-0, па Шкотите одат понатаму.

Шкендија и покрај елиминацијата се прикажа во добро издание и на двата меча и покажа дека и македонските тимови можат рамноправно да се носат со реномирани состави каков што е Абердин.

Вечерва тимот од Тетово пропушти можност да мине понатаму, а во финишот Бесарт Ибраими пропушти да ја круниса иницијативата на Шкендија. Во последните петнаесетина минути се беше во знакот на гостите од Македонија, но шансите не беа искористени и Абердин мина понатаму. Покрај Шкендија на стартот од квалификациите испадна и Ренова, па само Работнички остана да ги брани боите на нашиот фудбал во втората квалификациска рунда.

Тука е и Вардар, екипа која на стартот од квалификациите за ЛШ ќе игра двомеч со Апоел на 14. јули во Никозија и на 21. јули во Скопје. Тие два меча директно ќе ги пренсеува МТВ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.