Шведскиот главен град Стокхолм е избран за домаќин на Изборот за песна на Евровизија во 2016 година, соопштија организаторите на манифестацијата.
За организација на Евросонгот конкурурале неколку шведски градови, но таа част му припадна на главниот град на Шведска.
Натпреварот за Избор на песна за Евровизија 2016 ќе се одржи во салата „Ериксон Глоуб“, која може да прими меѓу 14 и 16 илјади гледачи. Во истата сала се одржа и Евросонгот во 2000 година.
Двете плуфинални вечери на следната Евровизија ќе се одржат на 10 и 12 мај, а финалето на 14 мај.
Шведска стана домаќин на Еврооснгот во 2016 година, откако годинава на Изборот на песна на Евровизија во Виена победи шведскиот претставник Манс Зелмерлоу.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
