Венеција ја погоди торнадо, силниот ветер во Германија носеше покриви, а не беа поштедени и делови на Унгарија и на Австрија.
По екстремно високата температура, поголемиот дел од Европа е зафатен од големи бури и врнежи.
Во Германија дуваат силни ветрови, паѓа дожд и град, а за неколку часа италијанскиот град Венеција бил погоден од торнадо. Најмалку едно лице настрада, а 30 се повредени, од кои три сериозно во силното невреме што вчера ја погоди Венеција и областа Венето во Италија.
Жртвата во невремето е повозрасно лице, а повредените, кои главно се здобиле со полесни повреди, се сместени во болниците во Мештра, Падова, Пјове ди Саку и Миранo.
Meteoweb.eu пишува дека торнадото било од категорија Ф2 и ветровите дувале со повеќе од 180 километри на час.
Причинета е огромна материјална штета.
Погледнете го видеото:
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
