Грчкиот премиер Алексис Ципрас денеска најави дека Атина ќе претстави конкретни предлози до своите доверители, јави дописникот на МИА од Стразбур.
– Утре ние ќе поднесеме конкретните предлози за праведен договор и сигурни реформи, изјави Цироас пред европратениците во Стразбур, каде повеќе од три часа се водеше расправа за ситуацијата во Грција.
За в недела е закажан нов самит на ЕУ каде ќе треба да се донесе одлука за тоа дали ќе продолжи програмата на помош за Грција.
На самиот почеток од дебатата во Стразбур, Ципрас изјави дека предлозите ќе бидат доставени во наредните два дена.
Грција исто така денес поднесе барање за примена на европскиот механизам за поддршка (ЕСМ).
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
