Сведоштво на српски турист во Тунис: Масакрот го гледав од вода

terorizam tunis Безгрижното капење во морето го прекина филмска сцена. Двајца мажи излегоа од чамци на брегот, извадија пушки и почнаа немилосрдно да косат недолжни туристи кои се затекнаа на плажата на хотелот. Ладнокрво менуваа рамки со куршуми и безочно убиваа луѓе, потресно раскажува Србинот Верољуб Дугалиќ, генерален секретар на Здружението на банки на Србија кој во моментот на масакрот бил во вода на истата плажа. Тој вчера се вратил од Тунис една недела пред истекот на платениот аранжман во хотелот „Пал марина“, кој се наоѓа веднаш до оној во кој беа убиени 38 туристи.

Дугалиќ раскажува дека двајцата монструми, како што ги нарекува, многу организирано го извеле нападот.

– Штом излегоа од чамец, еден отиде на десната страна, а другиот на левата страна од плажата. Кога едниот почна да пука, а луѓето почнаа да бегаат на другата страна, ги пречека другиот напаѓач и пукаше во нив. Неколку минути без прекин монструмите убиваа луѓе и дури трчаа по оние кои се обидуваа да побегнат. Само менуваа рамки со муниција и продолжуваа со убивање – раскажува тој.

Дугалиќ додава дека во истиот момент настанал шок и безумие. Луѓето бегале во борба за гол живот кон хотелот, додека дел од туристите се криеле во базените на дување кој ги влечат чамци по морето.

– Јас шокиран чекав во вода сѐ да се стиши, не знаев што друго да правам и како да излезам на плажа. Во тој момент во вода имаше и еден пар од Германија кои толку се исплашија што не можеа да се помрднат, па со еден наш полицаец им помогнав да допливаат до брегот – се сеќава тој.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.