Опасноста од терористички напади за време на Рамазан е голема, оценува експертот за Блискиот исток Карин Кнајсл, после терористичките напади во Тунис, Франција и Кувајт.
Рамазан сигурно не е месец на примирје. за време на исламистичкиот пост се нагласува сопствената сила, потенцира таа во изјавата за виенски „Кронен цајтунг“, пренесува Танјуг.
Кнајсл потсетува дека во 2005 година имаше крвави напади за време на Рамазан, секогаш после повикот на оџата.
Опасноста по Европа, според неа, е голема. – Соочени сме, како и кај неодамнешното убиство во Франција, со непријател од сопствените редови. Тие не се радикални само затоа што се приклучиле кон терористичка организација, туку и затоа што сами си го создале својот фанатизам, објаснува Кнајсл.
Таа смета дека и Ален Разванович, кој со својот џип усмрти три лица и повреди 34 во центарот на Грац, бо можел да биде „осамен волк“, дополнувајќи дека е некогаш тешко да се направи профил и да се одреди дали станува збор за психијатриски случај или терорист.
– Дополнителниот напад со нож ме вознемири. Минатата година, на 20 септември Исламската држава во едно соопштение на повеќе јазици нареди да се извршат напади со нож или возила, потесети таа, укажувајќи дека такви напади се веќе извршени во Кадена, Израел, Франција.
Според неа, делото на Ризвановиќ треба да се оквалификува како терористички напад.
– Не гледам зошто напаѓачот во Грац делувал во афект три недели по брачната кавга, истакна Кејсл и додаде дека е чудно што полицијата смао час иполовина по злосторот, како мотив наведе „психоза“.
Таа смета дека треба да се очекуваат и други напади во Франција, истакнувајќи дека сега се чувствува географската и политичка близина на Европа со Блискиот исток.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
