Вознемирувачки фотографии од терористичкиот напад во Тунис

Најмалку 27 лица загинаа во нападот врз два хотела во тунискиот град Су, каде што престојувале, главно, странски туристи, соопшти Министерството за внатрешни работи на Тунис.

Инцидентите се случија откако вооружени лица влегле во хотелите и отвориле оган врз туристите. Според дел од западните медиуми, во регионот на нападнатите хотели се слушаат истрели.

– Операцијата за ликвидирање на напаѓачите продолжува – изјави портпаролот на туниското МВР, Мохамед Али Аруи.

Според туниските медиуми, еден од нападнатите хотели е „Империјал Мархаба“. Меѓу загинатите има туристи од Германија и од Велика Британија.

Туниското МВР соопшти дека меѓу убиените се наоѓа најмалку еден од напаѓачите, а до телото е пронајден автомат „калашников“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.