17-годишник загинал во сообраќајка

Едно лице починало на пат кон Ургентниот центар, откако се здобило со тешки телесни повреди во сообраќајна несреќа.

– Несреќата се случила вчера во 11 часот и 30 минути на улицата „Јустинијан Први“, информира денеска МВР.

Во несреќата учествувале патничките моторни возила „Рено Лагуна“ со скопски регистерски ознаки, управувано од А.Д.(48), „Форд Мондео“ со скопски регистерски ознаки, управувано од М.С.(50) и моторцикл „Мондиал“, управувано од жртвата Петар Ј.(17).

Со телесни повреди се здобиле две сопатнички од моторциклот, на возраст од 16 и 17 години. Тие се пренесени во Градската општа болница „Св. Наум Охридски“ и Ургентниот центар за укажување на лекарска помош.

Од страна на СВР-Скопје излезено е на местото на настанот, извршен е увид и се работи на целосно расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.