Акција на МВР во Куманово: се апсат криумчари на мигранти

МВР утринава започна голема акција во Куманово за откривање на луѓе кои се вклучени во криумчарење и транспорт на мигранти од Северна Африка и Блискиот исток.

Според портпаролот на МВР Иво Котевски, досега се приведени повеќе лица, акцијата сеуште трае.

МВР подолго време работеше на откривање на групата и утринава започна со акцијата во која се претресени десетина објекти во сопственост на осомничените и приведени се повеќе лица. Истовремено е пресечен и еден транспорт на мигранти, – изјави Котевски за Кумановоњус.

Во акцијата нема повредени. Повеќе детали за акцијата МВР најави по нејзиното завршување, за попладне или во текот на утрешниот ден.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.