Британија била приморана да повлече дел од своите разузнавачи од мисии во странство откако Русија и Кина добиле пристап до тајни документи што ги објави поранешниот американски разузнавач Едвард Сноуден, објавуваат британски медиуми.
Би-Би-Си и Сандеј тајмс објавуваат дека шпионите се повлечени откако имале информации дека Русија може да дешифрира повеќе од милион документи.
– Се работи за случаи во кои Руси и Кинези добиле информации. Тоа значи дека многумина агенти мора да бидат повлечени и не спречува истекувањето информации за тоа како да работиме и да добиеме информации од клучно значење – изјави извор од седиштето на британската Влада за Сандеј тајмс.
Истовремено Би-Би- Си на својот сајт објави дека двете држави дошле до информациите за повлекување шпиони, но „нема докази дека кој било шпион е загрозен“.
Сноуден пребега во Русија откако во 2013 година на медиуми им достави тајни документи со цел разоткривање обем на прислучкување што го вршат САД „за да заштити приватност и основни човекови слободи“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
