Kризата не ги премисли туристите од Бенелукс

Гостите од земјите на Бенелукс на охридско-струшкиот брег ќе одмараат и во следните три години. Престојот кај нас им го овозможува тур операторот „Корендон”, кој ги продолжи договорите со нивниот македонски партнер, Фибула Ер-травел. За нашите најбројни гости ќе бидат резервирани три, односно четири чартер летови неделно во шпицот на летото. Се очекува догодина преку аранжманите на овој холандски тур оператор да пристигнат 15.000 туристи. Ова ќе ја збогати туристичката понуда не само во македонските туристички центри,туку и во соседството бидејќи се планираат кружни тури и надвор од Македонија, пренесе ТВ Алфа.

И покрај тоа што кумановскиот инцидент предизвика мало откажување на туристичките аранжмани,стопиран е трендот на откажување на резервациите. На покана на туристичките работници и локалните власти Охрид го посетија дипломатски претставници кои одблиску се запознаа со случувањата кај нас, а се делуваше и преку македонските амбасади и конзуларни претставништа во странство.

Повлечени се прогласите кои до скоро беа актулени и со кои на странците им се сугерираше да не патуваат во Македонија бидејќи е небезбедна.Градот очекува плодна туристичка сезона. Покрај гостите од Бенелукс, на ривиерата ќе бидат најбројни турците и туристите од скандинавските земји.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.