Градоначалникот на Охрид, Јован Стојаноски и пратениците Жаклина Лазареска и Томислав Тутнев беа вербално нападнати од граѓанин на Охрид денес во центарот на градот, а интервенирала и Полицијата, објави „Охрид 1“
-Како не ви е срам да носите деца од училиштата на овие настани кои ги организирате во политички цели ? Предавници !!! Господ да ве отепа !!! Ќе ви се памти ова “ – беа дел од зборовите кои граѓанинот ги упати кон нив.
Полицијата интервенирала и го отстранила граѓанинот.
Според „Охрид 1“, нападите против локалните функционери стануваат секојдневие, претходно граѓани одбивале Стојаноски да им врачи награди , тезгаџиите фрлале книги пред неговите нозе и ред други инциденти кои се случувале на официјалните настани организирани од локаланта власт.
Инцидентите кои станаа секојдневие го отвораат прашањето за тоа каков авторитет има власта во Охрид кај граѓаните, дали одговорните ја штитат адекватно, и зошто локалната власт и пратениците од Охрид се константно изложени на вербални напади и потсмев.
Пратеничка Жаклина Лазареска пред извесно време поднела пријава и барала од обвинителството да провери кој играл мајтап со неа на одредени Фејсбук страни.
За ова  Полицијата веќе постапила и почнала да трага кој си прави шеги со пратеничката.