Гранатиран пазарот во Донецк (видео)

Неколку гранати го погодија локалниот пазар во северозападниот дел на Донецк на истоткот на Украина. Најмалку едно лице е рането, а погодени се и неколку куќи во близина.

Борбата со пожарот која ја предизвика гранатата почна веднаш откако се смирија детонациите.

Според информациите на Заедничкиот центар за контрола и координација на примирјето потпишано во Минск, гранати од калибарот 82 милиметри се испукани од територијата која е под контрола на украинската војска.

– Испукани се пет или шест гранати, а потоа се смири ситуацијата – изјави за „РИА Новости“ претставникот на тој Центар.

Пред неколку дена се интензивираа борбите на истокот на Украина, со што се прекршува договорот за прекин на огнот кој беше потпишан во Минск.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.