Барселона – заслужено (видео)

Во финалето на Лигата на шампионите каталонскот гигант Барселона сосема заслужено славеше победа над Јувентус на „Олимпискиот стадион“ во Берлин од 3-1 сигнувајќи повторно до титулата најдбора екипа на „стариот контитент“.

Избраниците на Луис Енрике беа подобри во текот на целиот натпревар. Најдобриот напад во Европа предводена од триото Меси-Нејмар-Суарез беше подобар од цврстата одбрана на Јувентус.

Натпреварот изобилуваше со шанси, голови и убави моменти на двете страни. Барселона брзо поведе со голот на Хрватот Иван Ракитиќ уште во четвртата минута. Тој ја искористи шансата во казнетиот простор на „старата дама“ и додавањето на Андрес Иниеста и ја смести топката во мрежата на Џиџи Буфон.
Доминацијата на Барса продолжи, но Буфон беше тој што го остави својот тим во игра со две прекрасни интервенции.

Јувентус во продолжение од првото полувреме се обидуваше преку полуконтри да дојде до израмнување, но по првиот дел резултатот беше 1-0.

„Старата дама“ во второто полувреме тргна на се или ништо. Ја забрзаа својата игра и по една долга акција израмни на 1-1. Лихштајнер успешно продре по десната страна упати ниска топка во шеснаесетиокот, Тевез биеше директно во голманот на Барса, Тер Штеген кој кратко ја одби топката до Мората кој лесно ја погоди празната мрежа.

Јувентус продолжи со офанзивата и имаше уште неколку шанси да дојде до комплетен пресврт. Главниот судија Чакир можеше да досуди и пенал за италијанскиот тим, откако Дани Алвеш со раце се обиде да го спречи најдобриот играч на Јувентус вечера, Пол Погба, но свирчето во 66 минута не се огласи.

По само две минути од оваа спорна ситуција, реприза на голот на Јувентус, но на спротивната страна. Меси биеше кон голот на Јувентус, Буфон со крајни напори успеа да го спречи ударот, а топката се одби до Луис Суарез кој истотака постигна гол на празна мрежа.

Барселона нешто подоцна постигна и трет гол, но Чакир по сугестија на својот асистент зад голот оправдано го поништи погодокот на Нејмар, откако топката случајно го удри Бразилецот во раката на патот до мрежата. До крајот на мечот Јувентус се обиде повторно да дојде до израмнување, но не успеа да дојде до сериозна шанса. Во судиското продолжение Нејмар ја круниса големата победа за четврта европска круна за каталонскиот гигант во последните десет години, петта во клупската историја.

Goal Rakitic – Juventus 0-1 Barcelona – 06-06… by Bayeo

Alvaro Morata 1-1 Juventus – Barcelona 06.06… by FVO_HD

Luis Suarez Goal Juventus 1 – 2 Barcelona – 06… by LiveGoalsforyou

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.