Трилер меч во финалето на НБА, Голден стејт поведе со 1-0 по продолжение (видео)

Голден стејт извојува победа во првиот натпревар од финалето на НБА-плејофот против Кливленд од 108-100 по едно продолжение.
Домаќините пропуштија победа во регуларниот дел откако центарот на Кливленд, Мозгов, ги погоди двете слободни фрлања на 30 секунди до крајот и успеа да го одведе својот тим во продолжение.
Кливленд одлично ги започна дополнителните пет минути, но како одминуваше времето концетрацијата на Леброн Џејмс и колегите опаѓаше, тоа го искористи Голден стејт и заслужено дојде до првата победа во серијата подобар до четири.

Очекувано најдобар поединец во домашниот состав беше најкорисниот играч на сезоната Стеф Кари со 26 поени и осум асистенции. Одличен натпревар одиграа Томпсон со 21 кош и Игудала кој надополни со 15 поени.

Во поразениот тим на Кливленд не помогна ниту феноменалниот Леброн Џејмс кој запиша 44 поени, дополнети со осум скока и шест асистенции. Ирвинг мечот го заврши со 23 постигнати поени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.