Полскиот тим Кјелце сосема заслужено го освои третото место на завршниот турнир во Келн во рамките од Лигата на шампионите во ракомет откако во малото финале го совлада германскиот претставник Кил со 28-26.
Во првиот дел двата тима акцент ставија на одбраните и затоа беа постигнати мал број голови, а резултатот беше нерешен (12-12).
Во второто полувреме избраниците на Талант Дујшебаев продолжија со цврстата одбрана и со одлични напади успеаја да го скршат отпорот на противникот на пет минути до крајот (27-23).
До овој период Кил парираше пред се благодарејќи на Домагој Дувњак кој мораше предвреме да го заврши натпреварот поради три исклучувања.
Сепак Кил и по големото водство на противникот за само 3 минути успеа да постигне три гола дури имаше и шанса да го израмни резултатот на 2 минути до крајот, но најдобриот поединец на денешниот дуел кај полјаците голманот Славомир Шмал одбрани зицер, по што Кјелце преку брза контра ја завери победата.
Најдобар поединец во нападот кај победниците беше Карол Бјелецки со девет постигнати голови.
Во големото финале со почеток од 18 часот Кире Лазаров со својот тим Барселона ќе се обиде да дојде до титулата против унгарскиот преставник Веспрем.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
