Околу 20 илјади жители во западногерманскиот град Келн добија наредба да се евакуираат, откако властите открија бомба од Втората светска војна, тешка 200 килограми.
Училиштата и детските градинки во регионот се затворени, а десетици возила на брзата помош итно ги евакуираат жителите на домот за стари лица.
Бомбата беше откриена покрај мостот „Мулхајм“, над реката Рајна. Планирано е бомбата да биде деактивирана денеска попладне.
Локалните власти предупредија дека додека трае операцијата ќе биде запрен сообраќајот преку реката, како и воздушниот сообраќај над областа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
