Арсенал извлече бод на „Олд Трафорд“, Манчестер Сити лесно против Свонси (видео)

Арсенал остана непоразен на тешкото гостување на „Олд Трафорд“ против Манчестер Јунајтед одигрувајќи 1-1. Ова беше натпревар кој е големо значење за третото место на табелата во Премиер лигата кое води директно во групната фаза од Лигата на шампионите следната сезона. Разликата од два бода на едно коло до крајот го води Арсенал во поповолна позиција бидејќи во последното коло игра пред домашната публика против Сандреленд, а има и натпревар помалку.
Андер Херера во 30.минута ја затресе мрежата на Арсеналпо одличното проигрување на Ешли Јанг, но потоа Манчестер јунајтед се задоволи со минималното водство и многу повеже внимаваше на својот гол.

Во 74.минута на голот на „црвените ѓаволи“ застана Виктор Валдес бидејќи првиот голман на Манчестер Давид Де Хеа се повреди и мораше да излезе од игра. Дебито против Арсенал нема да го памти по добро бидејќи капитулираше по само 10 минути игра. Тео Волкот се обиде да нафрли од десната страна, топката го закачи Блекет и заврши во мрежата за голема радост на „топчиите“.

Manchester United vs Arsenal 1-1 All Goals… by footballTV

Екипата на Манчестер Сити лесно со 4-2 славеше на гостувањето кај Свонси и се чини ја осигура вицешампионската титула зад неприкоснвениот Челси.
Херојот за “граѓаните” на денешниот меч беше Јаја Туре кој што најпрво со гол го отвори резултатот а подоцна при нерешен резултат стрелаше за нова предност.

Избраниците на Пелегрини натпреварот го отворија со предност од 2-0, но во самиот финиш на првиот дел Сигурдсон стрелаше за намалување на предноста. Гомис со голот во 64. минута успеа за момент да го израмни резултатот на 2-2, но десет минути подоцна Туре со својот втор погодок на мечот донесе нова радос за Манчестер сити и предност од 3-2. Поранешниот играч на Свонси, Бони со гол во судиското продолжение го постави конечниот резултат од 4-2.

Со денешната победа Манчестар сити на едно коло пред крајот на шампионатот со 76 бода остана второпласиран.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.