Голем народен собир на ВМРО-ДПМНЕ утре пред Собрание

ВМРО-ДПМНЕ ја промени локацијата на големиот народен собир.

Огромен број на поддржувачи на владејачката политика и владините реформи ќе се соберат утре пред македонското Собрание.

– За собирот кој го организира ВМРО-ДПМНЕ, коалицијата За подобра Македонија и голем број други поддржувачи, се работи за мирен, ненасилен собир, на кој што сака да се искаже поддршка на државата во овие тешки момкенти, поддршка за сите кои се борат за Македонија, за безбедносните сили, за сите сили кои што даваат напори Македонија да излезе од овој процес, да се заврши оваа криза и да се продолжи по патеките на напредокот, по патеките на отворање на нови работни места, по патеките на носење на крупни инвеститори во Македонија, по патеките на зголемување на платите, на пензиите, на социјалната помош, по патеките на силна поддршка на земјоделците – рече вчера премиерот Груевски.

-Тој собир сигурно ќе биде ненасилен, сигурно ќе биде мирен, но сигурно ќе биде моќен и силен од аспект на присутноста на граѓаните затоа што јас знам дека граѓаните го препознаа овој кукавички чин што го прави Заев, против сопствената држава, а за својот личен интерес- рече Груевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.