„Коха Диторе“: Во Сирија и Ирак загинале најмалку 30 косовски државјани

Заменик косовскиот министер за надворешни работи, Петрит Селими, за пришптинскиот весник „Коха диторе“ потврди дека на војувалиштата во Сирија и Ирак се убиени 30 државјани на Косови, напоменувајќи дека се верува оти оваа бројка е значително погопема – од 50 до 60.

Со овој податок, како што се наведува, располагаат косовските безбедносни служби, а нивното загинување е потврдено од различни извори.

Само минатата недела се убиени тројца косовски државјани, пишува весникот и наведува дека Министерството за надворешни работи располага со податоци за 30 убиени.

Селими додава дека во неговиот ресор веруваат дека оваа бројка е значително поголема и дека се движи од 50 до 60.

„Коха диторе“ пишува дека се верува дека вкупниот број косовски државјани кои учествувале во воените дејствија во Ирак и Срија досега достигнал 300.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.