Една од најдобрите алпски скијачки на сите времиња, Словенката Тина Мазе одлучи дека ќе ја стави во мирување својата кариера и ќе се повлече од Светскиот куп една година.
Тина во соопштението за јавноста навела дека по долги 16 години учество во Светскиот куп нејзиното тело е изморено и дека ѝ е потребен одмор. Таа следната година ќе ја искористи добро за да се одмори, да ги заврши студиите и да добие диплома. Мазе се заблагодари на подршката која нејзините навивачи безрезервно ѝ ја упатуваат.
Не е исклучено Тина Мазе во текот на едногодишната пауза да соопшти и дефинитивен крај на богатата кариера.
Словенката е двојна олимписка и четирикратна светска шампионка. Во Светскиот куп оствари 26 победи, а во сезоната 2012-2013 го освои големиот кристален глобус соборувајќи голем број рекорди.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
