Кој чека ќе дочека, првпат по 125 години се пласираа во Премиер лигата

Екипата од втората по ранг лига во Англија, Чемпионшип-дивизијата, Бурнемаут првпат од нејзиното формирање од 1890 година се пласираше во Премиер лигата. Фудбалерите на Бурнемаут синоќа на домашен терен славеа убедлив триумф од 3-0 над Болтон, го обезбедија второто место на табелата зад Вотфорд и со три бодови предност пред Мидлсборо ќе влезат во последното коло со ипресивна гол-разлика и дури 19 позитива во однос на директниот конкурент што им гарантира дека следната сезона ќе играат во елитната конкуренција.

Во последното коло, Бурнемаут ќе се бори со првопласираниот Ватфорд, кој моментно има бод повеќе, и за шампионската титула во Чемпионшип-дивизијата на Англија.

Бурнемаут поведе преку Пуг во 39.минута, а пет минути подоцна Ричи зголеми на 2-0.

Во вториот дел, домашниот фудбалер Керморгант не реализира пенал, а Вилсон го постави конечниот резултат 3-0 за Бурнемаут за историски пласман во Премиер – лигата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.