Ризикот Грција да го напушти еврото ако мора да прифати уште мерки за штедење не е блеф, изјави грчкиот министер за финансии, Јанис Варуфакис додавајќи дека никој не може да предвиди кои ќе бидат последиците од таквиот излез.
Во разговор со норвешкиот филозоф Џон Елстер направен кон крајот на март и објавен во француско списание, Варуфакис вели дека не е време да се блефира околу преговорите за долгот на Грција.
– Не можеме да блефираме повеќе. Кога велам дека ќе завршиме со тоа што ќе го напуштиме еврото, ако треба да прифатиме уште повеќе неодржливо штедење, тоа не е блеф – рекол Варуфакис.
На прашањето што ќе се случи ако Грција ја напушти еврозоната, Варуфакис се осврнува на коментарите од страна на европските политичари кои велат дека ефектот на зараза може да се избегне. Тој, сепак, додава дека верува оти последиците ќе бидат непредвидливи.
– Секој кој се преправа дека знае што ќе се случи на денот кога ќе бидеме турнати во провалија, зборува глупости и работи против Европа – истакна грчкиот министер за финансии.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
