Светскиот ден на планетата земја, 22 април во Скопје ќе се дбележи преку мала изложба на приридните минерали, кристали, како и преку македонскиот рубин.
По тој повод дуќанчето „Деко“ и Народната канцеларија на председателот на Република Македонија ќе приредат пригоден настан, чијашто тема ќе биде запознавање со минералите од Република Македонија низ призмата на искуството со промоцијата на македонскиот рубин.
– Денот на планетата, главно, се одбележува со еколошки приредби и чистење на градот. Ние решивме да го одбележиме преку мала изложба на светот на природните минерали и кристали, секако и македонскиот рубин. Тие се основата на материјата од која е составена нашата планета Земја, која нѐ држи – вели Деан Шкартов од „Деко“.
Одбележувањето на Денот на планетата Земја ќе се случува на 22 и на 23 април од 11 до 20 часот, во просторијата на Народната канцеларија на претседателот на Република Македонија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
