Пеколно темпо во Примера, Реал Мадрид по стапките на Барселона (видео)

По победата на Барселона во дербито против Валенсија на „Камп Ноу“ од 2-0 и Реал Мадрид славеше победа на својот стадион против Малага од 3-1.
Борбата за титулата се разгорува бидејќи на шест кола до крајот каталонскиот гигант има предност од два бода пред Реал Мадрид.
Реал денеска рутински дојде до победата. Во провото полувреме Серхио Рамос ја затресе мрежата во 24 минута по одличниот центаршут на Кристијано Роналдо.
Во вториот дел најдобриот светски фудбалер промаши пенал во 67 минута, но по само две минути фантастичната акција на кралевите со гол ја круниса Џејмс Родригез погодувајќи го горните десен агол од голот на Малага.
Малага намали на 2-1 во 71. минута преку Хуанми, за да во финишот, тоа што не му успеа од белата точка, Роналдо го круниса од игра со погодок за 3-1 во 91. минута од натпреварот.

Real Madrid vs Malaga 3-1 2015 All Goals And… by brilche

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.