Обама и Ренци: Воена акција не е решение за кризата во Либија

Американскиот претседател Барак Обама и италијанскиот премиер Матео Ренци побараа политичко решение за судирите во Либија, нагласувајќи дека е малку веројатно странските воени операции да ја решат кризата во оваа земја.

– Либија очевидно е предмет на голема грижа, изјави Обама.

Претходно истакна дека тој и Ренци за време на нивниот состанок во Белата куќа не разговарале за евентуални напади со беспилотни летала.

– Нема да можеме да го решиме тој проблем со неколку напади од беспилотни летала или со неколку воени операции. Ние ќе комбинираме контратерористички напори во соработка со италија и други земји кои размислуваат слично во рамки на политичките напори, истакна Обама на заедничката прес-конференција.

Ренци додаде дека „мирот во Либија мора да биде договорен внатре, меѓу инволвираните страни во конфликтот“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.