Дваесет и шестгодишен гостиварец е приведен под сомнение дека бил дел од мрежата на дилери на наркотични дроги.
Од СВР Тетово информираат дека, вчера попладне, во домот на В.З.(26) на улицата „Слободан Пепоски“ бил извршен претрес. Под скалите на влезот од куќата, во најлонско кесе се најдени околу триесет грама кафена прашакаста материја, неверојатно хашиш и дигитална вага, а во длабнатина на оградата од дворот најдени се околу 40 грама тревлива материја. При претресот на помошните простории била најдена и кеса со остатоци од тревлива материја, за која се препоставува дека е марихуана.
По претресот, В.З. бил приведен и задржан во полициска станица и најверојатно во текот на денот ќе биде изведен пред судија во претходна постапка со соодветна кривична пријава.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
