Почина Перси Слеџ, кој ја отпеа легендарната „Кога мажот ја сака жената“

Пејачот Перси Слeџ почина денеска во Луизијана на 74-годишна возраст, објавија американските медиуми.

Перси ќе биде запамтен по класиката „Кога мажот ја сака жената“ („When a Man Loves a Woman“), кој во 1966 година беше број еден на топ листите, а денес се наоѓа на 54-то место на листата на најголеми хитови во сите времиња на магазинот „Ролинг Стоунс“.

Хитот „When a Man Loves a Woman“ беше негов личен пејачки триум, по што неговата кариера одеднаш зема нагорна линија. Потоа следеа хитовите „Warm and Tender Love“, „It Tears Me Up“, „Out of Left Field“, „Take Time to Know Her“ и други, а голем успех оствари со поновиот хит „I’II Be Your Everything“.

На Перси Слеџ лани успешно му беше извршена операција по дијагностицираниот рак на црниот дроб. Според лекарите, тој починал по природна смрт.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.