Барса лесно мина на „Паркот на принцовите“, Порто го изненади фаворизираниот Баерн (видео)

Вторите два четвртфинални натпревар во Лигата на шампионите се одиграа вечерва во Париз и Порто.
Барселона направи голем чекор кон полуфиналето славејќи убедлива победа на гостувањето кај Пари Сен Жермен со 3-1.

Каталонците беа решени уште во првиот натпревар да дојдат до предност која ќе им го олесни патот во следната рунда и победата ја најавија со голот на Нејмар во 18 минута. Сепак јунакот на Барселона вечерва беше Луис Суарез кој со два гола во 67 и 79 минута го донесе својот тим до високо водство. Тој на двапати успеа да го надмудри 50 милиони вредниот Давид Луиз и постигна ефектни голови.
ПСЖ успеа да намали на 3-1 во 82 минута откако Ван Дер Вил биеше кон голот на Тер Штеген, топката се одби од Матје и заврши во мрежата.

PSG 1:3 Barcelona All Goals Highlights 15.04… by DiggVideos

Порто на “Драгао“ успеа да го надмудри фаворизираниот Баерн победувајќи го со идентичен резултат како оној во Париз. Домаќините дојдоа до водство од 2-0 откако Рикардо Кварезма успешно реализираше пенал во третата минута, а само седум минути го зголеми водството. Алкантара успеа да го намали водството на Порто на 2-1 во 28 минута, но Џексон Мартинез во второто полувреме ја круниса одличната игра на Португалците.
Баерн Минхен во реваношот на „Алијанц Арена“ ќе има сериозна задача да ја анулира негативата ако сака да се пласира во полуфиналето.

All Goals – FC Porto – Bayern Munich – 3:1 – 15… by ylberenexhipi

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.