Москва: Големоалбанската реторика не придонесува за стабилност на Балканот

Рецидивите на големоалбанската реторика не придонесуваат за стабилност на Балканот, оцени денеска руското Министерство за надворешни работи.

Како што јави ТАСС, ваквиот став на руското Министерство претставува реакција на изјавата на албанскиот премиер Еди Рама од 4 април дека Албанија и Косово ќе се обединат во рамките на ЕУ или по класичен пат, доколку Унијата не го отвори патот за евроинтеграција на Косово.

– Кои и да се причините што го мотивирале Рама на ваква изјава, сметаме дека рецидивите на големоалбанската реторика нема да помогнат за зачувување на климата на стабилност и добрососедство во балканскиот регион, кој е важен и за Русија и за сите други земји во Европа, се наведува во соопштението на руското Министерство за надворешни работи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.