Францускиот премиер Мануел Валс изјави денеска дека седум француски граѓани извршиле самоубиствени напади во Сирија и Ирак. Шестмина од нив преминале во ислам.
Валс во парламентот рече дека стотина Французи се на територијата под контрола на екстремисти од Исламска држава.
– Најмладиот од нив немал ни 20 години, рече францускиот премиер
Валс говореше откако Фигаро објави интервју со комесарот за правда во ЕУ, Вера Јурова која нагласи дека проценките се оти 5000-6000 Европјани се борат на страната на џихадистите во Сирија.
Валс побара на Владата да и биде дозволено да шпионира граѓани по итна постапка во случај на исклучителна закана за безбедноста на граѓаните односно, надлежните служби да не бараат одобрување од независен 9-член одбор како што е сега во пракса.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
