Хрватска продолжува со силната поддршка за Косово

Хрватската претседателка Колинда Грабар Китаровиќ на средбата со шефот на косовската дипломатија Хашим Тачи истакна дека Хрватска и понатаму силно го поддржува Косово.

– За време на средбата се потврдени пријателските односи меѓу Загреб и Приштина, како и заемната желба за зацврстување на соработката во областа на земјоделството. Се разговараше и за соработка во Југоисточна Европа на подрачјето на енергетиката и на инфраструктурните проекти – се наведува во соопштението од кабинетот на Грабар Китаровиќ.

Тачи ја нагласи силната поддршка за заштита и за промоција на правата на хрватското малцинство во Косово, како и високиот степен на вклученост на албанската заедница во хрватското општество.

Косовскиот премиер е во официјална посета на Хрватска и е предвидено да се сретне со премиерот Зоран Милановиќ, со претседателот на Саборот Јосип Лекo и со министерката за надворешни работи Весна Пусиќ.

Тачи ќе има средба и со претставниците на здруженијата на Албанците, кои се бореа на хрватска страна во војната од 90-тите години.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.