Италијанскиот тим Интер сериозно размислува да го доведе во своите редови играчот од средината на теренот на Реал Мадрид, Сами Кедира, кој на крајот од оваа сезона е слободен играч. Тој одби да го продолжи договорот со кралевита на почетокот на годината и најверојатно ќе го напушти Сантијаго Бернабеу.
Како одминува оваа сезона интересот на за германскиот репрезентативец е се поголем, па покрај Шалке кој сака да го врати Кедира во Бундеслигата и Манчестер Јунајтед кој му нуди голема месечна плата, во трката за овој фудбалер се вклучија и Арсенал, Челси и Интер.
Шефот на стручниот штаб на Интер, Роберто Манчини за следната сезона најави голем ремонт на тимот со цел да се приклучи кон врвот на табелата, а со тоа и да бара излез во Европа.
Останува да се види какво ќе биде решението на Кедира, која дестинација ќе ја одбере за свој следен предизвик во кариерата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
